ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် ၂၀၁၈ – ၂၀၁၉ ဒသမတန်း လူရည်ချွန် မောင်မယ်များတွေ့ဆုံ June 7, 2019 June 7, 2019 admin

ငွေဆောင် ဧပြီ ၂၉

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိမ်းကြီးနှင့် ၂၀၁၈ – ၂၀၁၉ ဒသမတန်း လူရည်ချွန် မောင်မယ်များတွေ့ဆုံပွဲကို ယနေ့ညနေပိုင်းတွင် ဧရာဝတီတိုင်းဒေသကြီး ငွေဆောင်မြို့ ပုလဲငွေဆောင် ဟိုတယ်၌ ကျင်းပသည်။

ထိုသို့တွေ့ဆုံရာ၌ ပြည်ထောင်စုဝန်ကြီး ဒေါက်တာမျိုးသိမ်းကြီးက နှုတ်ခွန်းဆက်စကားပြောကြား ရာတွင် လူရည်ချွန်မောင်မယ် များအား ယခုကဲ့သို့ တွေ့ဆုံရသည့်အတွက် ၀မ်းမြောက်မိ ပါကြောင်း၊ ၂၀၁၈ ခုနှစ် အင်းလေးလူရည်ချွန်စခန်းဖွင့်ပွဲအခမ်း အနားတွင် ဆုံဖူးကြသူများပါနိုင်ပြီး ယခု လူငယ်မောင်မယ်များ အားလုံးကို လူရည်ချွန်များအနေဖြင့် တွေ့ဆုံခွင့်ရသည့်အတွက် ဂုဏ်ယူပါကြောင်း၊ လူရည်ချွန်များသည် မြန်မာနိုင်ငံမှ Grade-11 ကျောင်းသား ကျောင်းသူများထဲတွင် စာတော်သော ကျောင်းသား ကျောင်းသူများ ဖြစ်သကဲ့သို့ အားကစားနှင့်ကာယပညာတွင်လည်း ထူးချွန်ထက်မြက်သူများဖြစ်ပါကြောင်း၊ နိုင်ငံတော် အနေဖြင့် ယခုကဲ့သို့ သင်ယူလေ့လာစရာ ဒေသန္တရ ဗဟုသုတများ၊ ဒေသအလိုက် ယဉ်ကျေးမှုဓလေ့ထုံးစံ များ၊ သိသင့်သိထိုက်သည့် ပညာရပ်ဆိုင်ရာများကိုလေ့လာ သင်ယူနိုင်ရန် လူရည်ချွန်များအဖြစ် ရွေးချယ် ဂုဏ်ပြုရသည့်အတွက် ပညာရေးဝန်ကြီးဌာနအနေဖြင့် မှတ်တမ်းတင်ပါကြောင်း။

လူရည်ချွန်မောင်မယ်များအား အရေးအကြီးဆုံးအချက်အနေဖြင့် မှာကြားလိုသည်မှာ ငွေဆောင် ကမ်းခြေသည် ပင်လယ်ရေဆွဲအားရှိ သည့်အတွက် အရဲမစွန့်ကြရန် အထူးမှာကြားလိုကြောင်း၊ ပင်လယ် ရေကူးပါက သတ်မှတ်ထား သည့်နေရာများကိုကျော်လွန်၍ မသွားကြရန် အရေးကြီးပါကြောင်း၊ လေ့လာ ရေးခရီးလာခြင်းဖြစ်ပြီး အများနှင့်အတူတူဖြစ်သည့်အတွက် သွားလာသည့်အခါတွင် အချိန်ကို တိကျစွာ လိုက်နာကြရန် လိုအပ်ပါကြောင်း၊ ပူပြင်းသည့်ရာသီဥတုဖြစ်သည့်အတွက် ကျန်းမာရေးကို အထူးဂရုစိုက် ရန်နှင့် အစားအသောက်များကိုလည်း သတိထားစားသောက်ကြရန် အရေးကြီးပါကြောင်း၊ မောင်တို့မယ်တို့ သည် Grade-11 ကျောင်းသား၊ ကျောင်းသူများမှ လူရည်ချွန်ဖြစ်ခဲ့ကြသူများဖြစ်သည့်အတွက် တက္ကသိုလ် ၀င်စာမေးပွဲကို ပြီးခဲ့သည့် မတ်လတွင် ဖြေဆိုခဲ့ကြပြီး ထူးချွန်သူများဖြစ်သည့်အတွက် အောင်မြင်ကြမည်ဟု ယုံကြည်ပါကြောင်း၊ မောင်တို့ မယ်တို့သည် ဥာဏ်ရည်အားဖြင့်သော် လည်းကောင်း၊ ကိုယ်ကာယအားဖြင့် သော်လည်းကောင်း ကျန်းမာကြံ့ခိုင်သန်စွမ်းကြသူများဖြစ်ကြသည့်အတွက် လူရည်ချွန်များ ဖြစ်လာကြခြင်း ဖြစ်ပါကြောင်း။

မောင်တို့မယ်တို့လို ထူးချွန်သူများအနေဖြင့် ကျောင်းဆရာ၊ ဆရာမများအဖြစ် တာဝန်ထမ်းဆောင် ကြစေလိုကြောင်း၊ သို့မှသာ ပိုမိုထူးချွန်သည့် မျိုးဆက်သစ်လူငယ်များကို ပြုစုပျိုးထောင်မွေး ထုတ်ပေးနိုင် မည်ဖြစ်ပါကြောင်း၊ မိမိတို့နိုင်ငံ ဖွံ့ဖြိုးတိုးတက်စေရန် တစ်ဦးနှင့်တစ်ဦး ပူးပေါင်းဆောင်ရွက်တတ်သည့် စိတ်ဓာတ်နှင့်အလေ့အကျင့်ကောင်းများသည် အရေးကြီးပါကြောင်း၊ အခက်အခဲများ၊ မပြည့်စုံမှုများ၊ စိန်ခေါ် မှုများသည် လူတိုင်းတွင်ရှိပြီး အတူတူ ကြံ့ကြံ့ခိုင်ရင်ဆိုင်ဖြေရှင်းကြပြီး မိမိတို့၏လုပ်ငန်းတာဝန်များကို အကောင်းဆုံးလုပ်ဆောင်ကြ ရန်သည် မောင်တို့ မယ်တို့လို ထူးချွန်သည့် လူငယ်များပေါ်တွင် မူတည်ပါ ကြောင်း။

သို့ဖြစ်၍ မောင်တို့မယ်တို့သည် အခြားနိုင်ငံများမှ လူငယ်များနှင့် ယှဉ်ပြိုင်ရာတွင် ပြောဆိုဆက်ဆံ မှု၊ အတူလက်တွဲအလုပ်လုပ်ရန်နှင့် အတူပူးပေါင်းဆောင်ရွက်ကြရန် အင်္ဂလိပ်စာနှင့် အိုင်စီတီ ဘာသာရပ် များ ကျွမ်းကျင်ရန်လိုအပ်ပါကြောင်း၊ မောင်တို့မယ်တို့လို လူငယ်များအနေဖြင့် အင်္ဂလိပ်စာနှင့် အိုင်စီတီ ဘာသာရပ်များကို ကျွမ်းကျင်ရုံသာမက အခြားလူငယ်များကိုလည်း ကျွမ်းကျင်မှု ရှိလာစေရန် အတူလက်တွဲ ခေါ်ဆောင်ကြရန် အရေးကြီးပြီး ယှဉ်ပြိုင်နိုင်စွမ်းရှိသော အရည်အချင်းရှိရန် ကြိုးစားကြစေ လိုကြောင်း၊ မြန်မာနိုင်ငံတွင် မူးယစ်ဆေးဝါး အန္တရာယ်သည် လူငယ်မောင်မယ်များ၏ဘ၀ တစ်ခုလုံးကို ပျက်စီးစေနိုင် သည့်အတွက် အသုံးမပြုကြဘဲ အထူးရှောင်ရှားကြရန် အရေးကြီးပါကြောင်း၊ ထို့ပြင် မိမိတို့၏ ဘေးပတ်ဝန်း ကျင်တွင်ရှိသည့် ကျောင်းသား၊ ကျောင်းသူ လူငယ်မောင်မယ် များအား မူးယစ်ဆေးဝါးအန္တရာယ်၏ ခြိမ်းခြောက်မှုကိုခံနေရသည့် အတွက် အတူတူပူးပေါင်းစည်းရုံး အသိပေးပြောကြားကြစေ လိုကြောင်း။

ထို့ပြင် စီးကရက်သောက်ခြင်း၊ ဆေးလိပ်သောက်ခြင်း၊ ကွမ်းစားခြင်းများ၊ အရက်ဘီယာ သောက်စားခြင်းများကို မပြုလုပ်ကြရန်နှင့် မိမိတို့၏ဘေးပတ်ဝန်းကျင်တွင်ရှိသည့် လူငယ်မောင်မယ်များကို လည်း ရှောင်ကြဉ်ရန် စည်းရုံးပြောကြားရန်လိုအပ်ကြောင်း၊ ယာဉ်စည်းကမ်း လမ်းစည်းကမ်းများကိုလည်း ချမှတ်ထားသည့် စည်းကမ်းများနှင့်အညီ စနစ်တကျလိုက်နာဆောင်ရွက်ကြရန် အရေးကြီးပါကြောင်း၊ မောင်တို့မယ်တို့အနေဖြင့် ဘ၀တစ်သက်တာသင်ယူကြရန်လိုအပ်ပြီး လူသားများ၏ကောင်းကျိုး၊ မိမိတို့ နိုင်ငံ၏ကောင်းကျိုးအတွက် ဆန်းသစ်တီထွင် ဖန်တီးနိုင်စွမ်းရှိသည့် လူငယ်မောင်မယ်များ ဖြစ်လာစေရန် ကြိုးစားကြစေလိုကြောင်းဖြင့် ပြောကြားသည်။

ထို့နောက် ၁၉၆၄ – ၁၉၈၈ လူရည်ချွန်ကြီးများက ပြည်ထောင်စုဝန်ကြီး ဒေါက်တာမျိုးသိမ်းကြီးအား အမှတ်တရလက်ဆောင်များပေးအပ်ခဲ့ကြသည်။

လူရည်ချွန်စခန်း (ငွေဆောင်)ကို ဧပြီ ၂၉ ရက်မှ မေ ၄ ရက်အထိ ဖွင့်လှစ်သွားမည်ဖြစ်ပြီး လူရည် ချွန်မောင်မယ်များ အပန်းဖြေနေထိုင်စဉ်အတွင်း လေ့လာရေးခရီးစဉ်နှင့် ဟောပြောပွဲများ၊ တစ်ဦးချင်း အလိုက် အတွေ့အကြုံများဖလှယ်ခြင်းများကိုလည်းဆောင်ရွက်သွား မည်ဖြစ်ကြောင်း သိရသည်။
(ပညာရေး)